БИШКЕК. Парламентте өткөрүлгөн шайлоонун жыйынтыгында Тайырбек Сарпашев менен Кубанычбек Исабеков төраганын орун басары болуп шайланышты. Алар беш талапкердин ичинен жашыруун добуш берүүнүн натыйжасында тандалып алынды. Айрым депутаттар төраганын мурдатан келаткан орун басары Эркин Алымбековду кызматынан чакыртып алуу маселесин козгошту, бирок мындай сунуш колдоо тапкан жок. Кечээки жыйында парламент төраганын үч орун басары болсун деген чечим кабыл алган.
