ЖАЛАЛАБАТ. Облустук ички иштер башкармасынын маалымат кызматы билдиргендей паспортторду жана өздүк документтерди текшерүү коомчулукка коркунуч туудурган шектүү адамдарды кармоо жана паспорт режимин иретке келтирүү максатында жүргүзүлүп жатат. Текшерүүнү облустагы коомдук тартип сакчылары менен ички иштер аскер бөлүктөрүнүн жоокерлери ишке ашырууда. Алар 9-июлда МАИнин бир инспекторун өлтүрүп, милициянын эки кызматкери менен бир адамды жарадар кылган террорчул топтун калган мүчөлөрүн табуу үчүн батирлерди кыдырып жөө жүргүнчүлөргө да назар салышууда.
