Сербиянын премьер-министри Воислав Коштуница бүгүн Брюсселде Европа Биримдигинин жыйынында сөз сүйлөйт. Ал Биримдиктин өкүлдөрүнөн Сербияны Биримдикке кабыл алуу боюнча сүйлөшүүлөрдүн улантылышын өтүнмөкчү. Буга чейинки сүйлөшүүлөр серб өкмөтү аскердик кылмыштарда күнөөлөнгөн Ратко Младичти кармап Гаагадагы трибуналга өткөрүп берүүдөн баш тарткандыгына байланыштуу май айында токтотулган эле.
