БИШКЕК. Билим берүү министри Досбол Нур уулу студент, абитуриент жана ата-энелерге кайрылуу менен чыгып, билим берүү системасын коррупция, деңгээли төмөн адистерди даярдоону токтотууга жардамдашууга чакырды. Кайрылууда 1992-жылдан тарта 2005-жылга чейинки аралыктагы көзөмөлдүн жоктугунан жогорку билим берүү тармагы башкаруудан чыгып калганы айтылып, кемчиликтер мисалга келтирилген. Аларды жоюу үчун министрлик атайын комиссия түзүп, бир катар окуу жайлардын лицензиялары чакырылып алынганы белгиленген.
