Бишкек. АКШнын мамлекеттик катчысынын жардамчысы Ричард Баучер Кыргызстанга келгени жатканын тууралуу бүгүн өлкөнүн Тышкы иштер министрлигинен маалымдашты. Так эмес маалыматтарга караганда Ричард Баучердин Бишкекке болгон сапары учурунда америкалык эки дипломаттын Кыргызстандан чыгарылышынын себептери жөнүндө сөз болот. 11-июлда мамлекеттик катчы Кондолизза Райс эки дипломаттын чыгарылышына байланыштуу президент Курманбек Бакиевге кат жолдогон. Ушул эле күнү АКШнын Луизиана штатынан Кыргызстандын Улуттук коопсуздук кызматынын алты өкүлү чыгарылган.
