Президент Жалал Талабани бул тууралуу кечээ Багдадда Ирактагы америкалык жана коалициялык аскерлердин командачысы Жорж Кейси менен чогуу өткөргөн маалымат жыйында билдирди. Мунун алында АКШнын Жакынкы Чыгыштагы күчтөрүнүн командачысы, генерал Жон Абизеид Сенаттын аскерий иштер боюнча комитетинде сүйлөгөн сөзүндө Иракта суниттер менен шийиттер ортосунда диний негиздеги кыянатчылыктар токтобосо өлкө жарандык согушка кептелиши мүмкүн экенин айткан эле.
