БИШКЕК. Сауд Аравиясынын Ажылык министрлиги 2007-жылга кыргызстандыктар үчүн зыяратчылыкка 4500 квота бөлүп берди. Бул квоталар облустук казыяттар тарабынан район, шаарларга, айыл өкмөттөрүнө бөлүштүрүлөт. Квоталарды бөлүштүрүү иштерин ажылыкты уюштуруу боюнча түзүлгөн республикалык штаб көзөмөлдөйт. Кыргызстанда быйыл Курман айт 31-декабрь, 2007-жылдын 1-январь күндөрү белгиленет. Кыргызстандык зыяратчылар Меккеге декабрь айынын орто ченинен баштап жол тартышат. Бул ирет Меккеде кыргызстандыктардын зыяраты боюнча маалымат берип турган атайын штаб иштейт.
