Газа тикесинде барымтага алынып, кайра бошотулган америкалык журналисттер ислам динине өттүк деген мурдагы сөздөрүн четке кагышты. Алардын айтымында, мусулманчылыкты кабыл алдык деп айтууга согушчандар мажбур кылышкан. Алар эки апта барымтада жатып, кечээ эркиндикке чыгышты. Бирок согушчандар аларды кандай шартта бошотушкандыгы азырынча белгисиз.
