Израилдин премьер-министри Эхуд Олмерт анын өлкөсү Ливанга абадан жана деңизден койгон блокадасын бүгүн алып салат. Олмерттин өкүлдөрүнүн айтымында, деңиз портторунда жана аба майдандарында турган израилдик аскерлердин оордуна эми эларалык аскер күчтөрү жайгашат. Израил 12-июлда “Хезбаллага” каршы аскерий чабуулун баштаганда, Ливанды абадан жана деңизден блокадага алган болчу. Расмий Тел-Авивдин айтымында, блокада “Хезбалла” сырттан куралдуу жардам ала албашы үчүн коюлган болчу.
