«Эмгек жана биримдик» партиясы бийликти мыйзамсыз жол менен басып алууга аракеттенүүдө деп оппозицияны айыптады. Партия таркаткан билдирүүдө ошондой эле Текебаевдер баңгизат менен кармалган окуя биринчи жолу болуп жатпагандыгы баса айтылат. «Өмүрбек Текебаевдин бир тууган иниси Асылбек Текебаев 8.5 киллограм баңгизат менен кармалып, андан кийин Текебаев инисин Акаевдин жардамы менен актап чыккан» деп «Эмгек жана Биримдик» партиясы 1996-жылы болгон ишти эске сала кеткен.
