Кыргызстандын түрмөлөрүндөгү жагдай тууралуу бүгүн абак жайларга көзөмөл жүргүзүүчү атайын прокурор Кубан Мамакеев маалымат бергени жатат. Кечээ «Жарандык коом коррупцияга каршы» бейөкмөт уюму түрмөлөрдө козголоң чыгуу коркунучу бар деп билдирип, муну коррупциянын чектен чыгып кеткендиги менен негиздеген. Уюмдун маалыматы боюнча пенитициардык тармактын 57 миллион сом бересеси бар, акыркы кездери абактарда кургак учук менен ооругандардын саны, 35%, өлгөндөрдүн саны 15%ке өстү.
