ЖАЛАЛАБАТ. Ишкананын алдында үч күндөн бери турган алтымыш адам Жогорку Соттун 19-сентябрындагы чечимине жана 6-октябрда заводдо орун алган бейбаштыктарга нааразы болушту. “Кыргызпахта” акционердик коомун каттаган Жалалабат шаар мэриясынын чечимин жокко чыгарган Ош облустук соттун бүтүмүн бузган Жогорку Соттун алдына барып, акция өткөрүшөөрүн айтышты. Жума күнкү окуяга тиешеси бар адамдарды жоопко тартуу прокурорго коюшту. Заводдун ичинде чыккан өрткө ишкананын мурунку ээлеринин версиясы катары баа берилди. Алар менен жолугушкан шаардын мэри Дүйшөналы Мамасалиев үч тараптуу келишим менен ишкананы иштетүүгө чакырды. 6-октябрда заводдун мурунку ээлери басып киргенде, заводдун азыркы жумушчуларынан 5-6 адам токмок жеген.
