Европадагы коопсуздук жана кызматташуу уюмунун кечээ күнү Вена шаарында өткөн жыйынында Грузия премьер-министри Зураб Ногайдели өлкөгө каршы Маскөө тараптан көрүлүп жаткан аракеттерди сынга алып, аларга карабастан, Грузия баары бир багынбайт деп билдирди. Премьердин айтымында, Орусиянын аракеттеринен улам Грузия - анын дүң өндүрүшүнүн бир жарым пайызына тете зыянга учурады, өлкө экспорту 17 пайызга кыскарды. Бирок, анын айтымында, баары бир Грузиядагы экономикалык өсүш быйыл 10 пайызга жетиш керек.
