Бириккен Улуттардын басма сөз катчысы Стефани Дужаррик кечээ күнү билдиргенге караганда, ООНдун Судан боюнча атайын өкүлү Ян Пронк ноябрда кайрадан кызматына киришип, Хартум шаарына кайтып барат. Ал тууралуу Судан жетекчилиги менен атайын сүйлөшүүлөр өткөрүлдү. Козголоңчулар менен согушта Судандын өкмөттүк армиясы оор жоготууга дуушар болуп жатат деп Пронк билдиргенден кийин Хартум анын өлкөдөн чыгып кетишин талап кылган.
