Президент Курманбек Бакиев ушундай үмүт ишенимде экенин бүгүн Конституциянын жаңы редакциясына кол койгондон кийин элге жасаган кайрылуусунда белгиледи. Президент ошондой эле бардык талаштарды парламенттин ичинде же административдик жайларда чечүүнү сунуш кылды. Конституцияга кол койгон 9-ноябрды К.Бакиев саясий күчтөрдүн бир пикирге келген, элдин башкы талабы орундалган күн катары баалады.
