Добушка коюла турган эки сунуш бири-биринен комитеттердин саны боюнча айырмаланууда. Маселен, депутат Өмүрбек Текебаев он үч комитет, беш комиссия, «Мекен» депутаттык тобу он жети комитет, үч комиссия түзүүнү сунуштап жатат. Жогорку Кеңештин төрагасы Марат Султановдун добуш берүүнү январь айына калтыруу сунушу өткөн жок. Төрага өз сунушун парламенттин биримдигин сактоо максаты менен байланыштырган.
