Хамастын кабинети Палестин президенти, Фатах кыймылынын жетекчиси Махмуд Аббастын парламертте сүйлөй турган сөзүн бойкоттой турганын билдирди. Аббас мөөнөтүнөн мурда шайлоо өткөрүү жөнүндө жарыя кылаары күтүлөт. Мындан мурда Газа тилкеси менен Иордандын батыш жээк чөлкөмүндө Хамастын тарапкерлери менен Аббаска берилген күчтөрдүн өз ара кагылышуусу болгон. Жума күнү премьер-министр Исмаил Ханиянын 100 миңге жакын тарапкери митингдерди өткөрүп, элди Палестинанын боштондукка чыгуусу үчүн Улуттук бирикмдикти сактоого үндөгөн.
