Бийиктиги 50 метр, туурасы 300 метрлик кар көчкүнү тазалоо иштери жүрүп жатат. Токтогул районунун 270-чакырымындагы МАИнин тосмолунда 120дан ашуун автоунаа, миңден ашуун адам жолдун ачылышын күтүп турат. Ал эми Чүй облусунун Сосновка айылындагы постто жүздөн ашуун автоунаа токтоп турат. Учурда коргоо министрлигинин бир бөлүгү көчкү аткылоочу курал менен Ош-Бишкек жолундагы көчкү түшүү коркунучу бар жерлерди сегиз жолу атып, өзгөчө кырдаалдар жана транспорт министрлинин кызматкерлери автожолду кар көчкүдөн тазалоодо. (AJ)
