Бул тууралуу Акыйкатчы өзү 8-мартта «Азаттыкка» билдирди. Анын айтымында, ал акыркы күндөрү ал Отузадыр шайлоо округуна кирген бир катар айылдарда болуп, эл менен жолугушууларды өткөрдү. Анда шайлочулар талапкер катары шайлоого катышууга Турсунбай Бакир уулун чакырышкан. Мен бул маселе боюнча бир-эки күндүн ичинде чечим кабыл алууга убадамды бердим. Бирок чечим оң болуп, Отузадыр шайлоо округу боюнча Жогорку Кеңештин депутаттыгына катышаарым көбүрөөк анык болууда, деп белгиледи Акыйкатчы. Турсунбай Бакир уулунун Акыйкатчылык кызматынын мөөнөтү ушул жылдын декабрь айында соңуна чыгат. (AiT)
