Линктер

ЧУКУЛ КАБАР!
3-Март, 2021 шаршемби, Бишкек убактысы 21:21

«МИТИНГИЧИЛЕР» МЕНЕН МИЛИЦИЯНЫ КАГЫШТЫРГАН АТАЙЫН КЫЗМАТТАРБЫ?


Бириккен фронттун лидери Феликс Кулов атайын кызматтарды оппозициянын митингисине чагымчылык кылды деп айыптоодо. Кулов бул жөнүндө бүгүн «24.kg» агенттигинде өткөргөн маалымат жыйынында билдирди. Анын айтымында, 19-апрелде оппозициянын митингин кууп таркатууга алып келген инцидентти Улуттук коопсуздук боюнча мамлекеттик комитеттин кызматкерлери түштүктөн келген жарандардын жардамы менен тымызын түрдө уюштурган. «Бул үчүн жоопкерчилик президент Курманбек Бакиевдин мойнунда,- деп баса белгиледи Феликс Кулов.- Ал өзүнүн келечегин коопсуз кылуу максатында кармап-камоолор менен оппозициянын аракетин кылмыштуу кылып көрсөткүсү келип жатат». Оппозиция лидери ошондой эле Бириккен фронт 5-майда элдик курултай өткөрө турганын билдирди. Курултайга бардык аймактардан аттуу-баштуулар чакырылып, анда коомдук-саясий кырдаалга, конституциялык реформага байланышкан маселелер талкууга алынат. Куловдун айтымында, күзгө чейин Конституциялык реформага байланыштуу бийлик чечкиндүү аракеттерди көрбөсө, оппозиция ар кандай нааразылык акцияларын кайрадан күчөтөт.(KCh)

XS
SM
MD
LG