Линктер

ЧУКУЛ КАБАР!
6-Декабрь, 2021 дүйшөмбү, Бишкек убактысы 18:33

НАБЫТ БОЛГОН ЖУРНАЛИСТТЕРГЕ ЭСТЕЛИК АЧЫЛДЫ


Кызматын аткарып жүрүп каза болгон журналисттерге Франциянын Байё шаарында эстелик комплекси ачылды. Эстеликти шаар бийликтери менен “Чекарасыз кабарчылар” уюму биргелешип тургузушту. Анын долбооруна жана курулушуна француз архитектору Самюэл Краклин жетекчилик кылды. Шаршемби күнү эстеликтин ачылыш аземине “Азаттыктын” өкүлдөрү да катышты.

Комплекс ак жубар таштан жасалган 23 тактадан турат. Алардын бетине 1944-жылдан бери кесипкер милдетин аткарып жатып каза тапкан 1884 кабарчынын ысымы чегеленип жазылды. “Азаттыктын” кабарчысы Огулжамал Йазлыева билдиргендей, 2006-жылы киши колдуу болгон 83 журналистке арналган эстелик тактанын алдында көзү өткөн кабарчылардын жакындары, достору жана кесиптештери сөз сүйлөштү.

Жубар таштагы ысымдардын арасында “Азаттыктын” Түркмөнстандагы мурдагы кабарчысы,маркум Огулсапар Мурадованын да ысымы жазылган. “Азаттыктын” радиоберүүлөр боюнча директору Мишель Дубак өз сөзүндө эстелик комплексин уюштуруп кургандарга ыраазылык билдирди жана радионун программалары уктурулган аймактарда,анын ичинде Түркмөнстанда сөз эркиндиги чөйрөсүндөгү кырдаал кыйын экенин белгиледи. Соңку кездери “Азаттыктын” айрым кабарчыларынын Түркмөнстанда дайыны чыкпай кетти, айрымдары бийликтердин кысым-кыйгагына туш болду.

Эстеликтин ачылышына катышкандар киши колдуу болгон кабарчылардын саны өсүп жатканына олуттуу камтамачылыгын билдиришти. Алардын саны мурдагы жылы 63 болсо, былтыр 83кө жеткен. Иш чарага катышкандар журналисттерди коргоо үчүн колдон келген бардык күч-аракеттерди көрүү зарылдыгын белгилешти.
XS
SM
MD
LG