Нарын облустук администрация алдына чогулган туугандары Бектемир Акуновдун өлүмүн акыйкат териштирүүнү, гистологиялык экспертизанын тыянагын эртерээк чыгарууну талап кылышты. Маркумдун туугандары менен шаардын мэри Бейшек Боогачиев, облустук бийликтин, прокуратуранын өкүлдөрү жолугушуп, алар экспертизанын тыянагы эмне үчүн кечигип жатканын билбей тургандыктарын белгилешти. Бишкек шаардык соттук-медицияналык экспертиза бюросунан алынган кабарга караганда экспертизанын тыянагы кечээ чыккан. (BuS)
