Аны Кыргыз Республикасынын премьер-министри Алмазбек Атамбаев жана Тышкы иштер министри Эднан Карабаев баш болгон өкмөт мүчөлөрү тосуп алды. Кытайдын төрагасынын учагы Бишкек убактысы боюнча саат 12:20да «Манас» аба майданына конду. Ху Цзиньтао Бишкекте президент Курманбек Бакиев, парламент төрагасы Марат Султанов жана премьер Алмазбек Атамбаев менен жолугушат. Түштөн кийин Өкмөт үйүндө Кытай төрагасы баштаган мамлекеттик делегацияны кабыл алуу салтанаты башталат. Өкмөт үйүнүн алдында Ху Цзиньтаону президент Курманбек Бакиев кабыл алат.
