«Ала-Арча» мамлекеттик резиденциясында болгон бул сүйлөшүүдө эки өлкө башчылары Курманбек Бакиев менен Владимир Путин эки тараптуу кызматташтыкка жана ШКУнун эртеңки саммитине байланышкан маселелерди талкуулашты. Кыргыз президенти анда эки өлкө ортосунда негизинен чечилбеген маселе жокко эсе экендигин белгиледи. Владимир Путин болсо кыргыз-орус мамилелери натыйжалуу жана ыкчам өнүгүп жатканына токтолду. Орус президенти ошондой эле ШКУ саммитине даярдык жогорку деңгээлде экенин, бул саммит Кыргызстан үчүн эле эмес, дүйнө үчүн да маанилүү окуя экенин белгиледи.(SM)
