Өзгөчө кырдаалдар министри Туратбек Жунушалиев иш сапарында Лейлек районунун жер титирөөдөн жана селден жапа чеккен аймактарында болду. Бул тууралуу Баткен облустук мамлекеттик администрациясынын басма сөз кызматы 20-августта маалым кылды. Быйылкы жылдын июнь, июль айларындагы катуу жааган жаандан Лейлек району 2 млн.дон ашуун чыгым тарткан. Мында негизинен автожолдор, мал жандыктары жана эгин талаалары жапа чеккен. Министр Туратбек Жунушалиев Баткен, Кадамжай райондорунда жана Кызылкыя шаарында болуп, потенциалдуу коркунучта деп эсептелген учаскалар менен таанышып чыкты. (SA)
