Ушул учурда №69 Балыкчы шайлоо окуругунан Жогорку Кеңештин депутаттыгына ат салышууну каалагандардын саны онго жетти. Аймактык шайлоо округунун башчысы Бакас Айсултановдун берген маалыматы боюнча тиешелүү документтерин жыйнап, өткөргөндөрдүн ичинен Өмүрбек Субаналиевге, Жуман Акулуевге жана Максат Абакировго талапкерлик мандат берилген. Балыкчы шайлоо аймагынан депутаттыкка талапкерлерди көрсөтүү бүгүн, кечки саат алтыда токтойт. Шайлоо болсо 30-сентябрда өтөт. (ZMa)
