Депутат Каныбек Иманалиевдин айтымында, Кыргызстанда түзүлгөн кырдаалдан чыгуунун укуктук жолу жок, саясий гана жолу бар. Ал жол – консенсуска келип, конституциялык реформага баруу керек. Эгер укуктук чаташкан кырдаал создукса, анын укуктук, саясий-экономикалык кесепеттери оор болот. Айрыкча, инвесторлордун ишеними кетет мамлекетке. «Укуктук стабилдүүлүк жок жерде, саясий стабилдүүлүк болбойт»,- деди Каныбек Иманалиев. (KCh)
