Ирактын расмий өкүлдөрүнүн ырастоосунда, кечээ Багдаддын суннилер жашаган чөлкөмүндө америкалык аскерлердин аба чабуулунан кеминде 10 киши, анын ичинде 2 аял жана 4 бала набыт болушту. АКШ армиясынын маалымат катчысы майор Брэд Льютон Ажанс Франс Пресс агенттигине чабуул ракета аткан адамдарга каршы багытталганын айтып, карапайым жашоочулардын арасындагы жоготууларды өкүнүчтүү деп атады.
