Регламентте белгиленген убакыт бүтүп калганына байланыштуу талкууну улантуу дүйшөмбүгө калтырылды. Каржы министри Акылбек Жапаров Кумтөр алтын кени боюнча «Центерра» жана «Камеко» компаниялары менен кыргыз өкмөтүнүн ортосундагы жаңы келишим боюнча маалымат берген соң жыйын суроо-жооп иретинде уланды. Бүгүнкү жыйнда акыркы болуп суроо берген депутат Болот Шерниязов кендин запасы боюнча цифралар дал келбей жатканын айтып, акыркы эсептөө кандайча жүргөнүнө кызыкты. Депутат өкмөт мүчөлөрүн эмки жыйынга дейре эсебин дагы бир сыйра тактап алууга чакырды.(SM)
