Орусиянын Нижний Новгород шаарында журналист Анна Политковскаяны эскерүүгө арналган эларалык форум болбой калды. Өлкөнүн каржы операцияларды көзөмөлдөгөн мекемеси форумдун уюштуруучуларын терроризм жана экстремизм үчүн шектелген уюмдардын тизмесине киргизгени ачыкка чыккандан кийин Внешторгбанк иш-чарага акча которгон эмес. Жыйында Чеченстандагы коопсуздук күчтөрүнүн репрессияларына дуушар болгон адамдардын катышуусунда талкуулар болмок. Анна Политковская былтыр 7-октябрда киши колдуу болуп өлгөн.
