Ош шаарындагы Жолон Мамытов атындагы орто мектепте 18-октябрда сабак маалында эки кыз урушуп, натыйжада бир кыз жарык дүйнө менен коштошту. Милициянын маалыматына караганда, мугалим эжекеси арачалаганына карабай, чырдашып кеткен кыздардын бири экинчисин чачынан кармап, аны башы менен партаны бир нече жолу катуу сүздүрүп жиберген. Ушул эле мектепте 16-октябрда окуучулар мушташып, анын айынан эки уландын мээси чайкалып ооруканага жаткырылган. Мектепте бул күнү спорттук мелдеш өткөрүлүп, ага башка мектептин дагы окуучулары келген. Мелдеш маалында күйөрмандар ортосунда чыр чыгып, ал мушташка айланган. (АТо)
