Бул тууралуу “Азаттыкка” кеңештин мүчөсү Бакытбек Орунбеков маалымдады. Анын айтымында, ушул тапта кеңештин 5-6 мүчөсү ишин токтотуп, калгандары эртеңки күнгө чейин чечим кабыл алмай болгон. “Бирдиктүү иш алып баруу мүмкүнчүлүгү болбой жатат, кворум чогулбаса, кантип чечим кабыл алабыз”,-деди Б. Орунбеков. Бүгүн УТРКнын байкоочу кеңеши төрагасын шайлай албай калган. Шайлоонун экинчи айлампасына талапкердиги каралган Элвира Сариева менен Бакыт Орунбековдун ар бири бештен добуш алган. Кеңештин жобосу боюнча төрага сегизден кем эмес добуш алган шартта шайланды деп эсептелет. (ZMa)
