Парламенттик шайлоо өтүп-өтпөй артынан чоң чырлар башталды. Республиканын бирде бул, бирде тигил жеринен электр жарыгынын өчүрүлгөнү, шайлоо жыйынтыгын чыгаруу маалында көз боемойлор, талаш-тартыштар чыгып жатканы тууралуу кабарлардын аягы сууй элек. Бишкектин Ленин районунда шайлоо участокторунан келген протоколдорду байкоочуларды катыштырбай эсептөөгө алса, Октябрь районунда байкоочуларды шайлоо мыйзам бузууларсыз өттү деген бүтүмгө кол койдуруу аракети орун алды.
