Бул тууралуу Ички иштер министирлигинин басма сөз кызматынын жетекчиси Бакыт Сеитов “Азаттыкка” маалымдады. Анын айтымында күчөтүлгөн режимде иштөө биринчи январьга чейин созулат. “Бул аралыкта коомдук тартипти бекем сактоо иретинде өзгөчө чаралар көрүлөт. Айрыкча майрам күндөрү эл көп чогула турган жерлерде кайгуул күзөт кызматы ИИМдин аскердик курамы менен бирдикте тартиптин сакталышына көз салышат. Ошондой эле МАИ кызматкерлери да күзөттө болушуп күнү-түнү эки сменде иштешмей болду”, - деп билдирди Бакыт Сеитов. (ESu)
