39 жаштагы Маркус Бенсманн катуу суукта жол боюнда жаткан жеринен табылды. Жаагы сынган, мээси чайкалган, колу-бутун үшүк алган журналистти ооруканага жеткиришти. Азыр аны Германияга алып кетишүүдө. Бенссман немис сыналгысы үчүн Астанада документалдуу фильм тартып жаткан. Ал немис басылмаларында өзбек бийликтерин сындап, жалпы эле Борбор Азия тууралуу көп жазчу. Анын жубайы, өзбекстандык журналист Галина Бухарбаева Анжиянда 2005-жылдагы кандуу окуяларга күбө болгон.
