“Амалтея – Борбор азиядагы аял” деп аталган бул фестиваль 8-10-феварль күндөрү борбор калаадагы көркөм өнөр музейинде өтөт. Иш-чаранын алкагында борборазиялык аялдарга арналган он документалдык тасма көрсөтүлөт. Мындан сырткары бул күндөрү “Сулуулуктун бир бурчу” жана “Бейөкмөт уюмдагы аял” аттуу фотосүрөт көргөзмөлөрү сунушталат. Фестивалды Венадагы “Диалог Сентраль” уюмунун көмөгү менен “Колдоо” коомдук бирикмеси уюштурууда. (JTo)
