10 миң доллар өлчөмдөгү пара алып жаткан кезде Каржы министрлигинин мамлекеттик карыз жана активдер башкармалыгынын башчысы Эрнис Абдуразаков кармалды. УКМКнын маалымат кызматынын кабарлашынча, ал азыр коопсуздук кызматтын тергөө изоляторунда жатат. Ага “ири өлчөмдөгү параны опузалоо” жана “кызматынан кыянаттык менен пайдалануу” беренелери боюнча күнөө коюлуп, кылмыш иши козголду. 18-февралда Биринчи май райондук сот Эрнис Абдуразаковдун баш коргоо чарасын тандап, ал камакка алынсын деп чечкен. (JTo)
