“Электр тармагы ички жана тышкы инвестицияларсыз иш алып бара албайт. Ички инвестицияны биз бааларды көтөрүү менен гана камсыздай алабыз”, - деп билдирди бүгүнкү маалымат жыйынында премьер-министр. Анын айтымында, өкмөт жакынкы беш жылга электр кубат жана жылуулук тариф саясатын иштеп жатат. Ага ылайык, 2008-жылы электр кубатына баа 12 пайызга көтөрүлүп, 1кв/саат үчүн 71 тыйынды тузөт. Жылуулук тарифтери да 20 пайызга көтөрүлмөкчү. Игорь Чудиновдин айтымында, тарифтердин өсүшү менен пенсия жана социалдык кошумча төлөмдөр көбөйтүлөт. (JTo)
