Бүгүн Тышкы иштер министри Эднан Карабаев Индиянын Кыргызстандагы элчиси Жоти Сваруп Пандени кабыл алды. Жолугушуу Индия өкмөтүнүн Ош облусундагы жер титирөөдөн жабыр тарткандарга 100 миң доллар өлчөмүндө гуманитардык жардамын тапшыруу иш-чарасына байланыштуу болуп, аталган сумма жабыр тарткандар үчүн ачылган атайын эсепке которулду. Эднан Карабаев көрсөтүлгөн жардам үчүн кыргыз элинин атынан индия элине ыраазычылык билдирип, элчи менен эки тараптуу кызматташуу боюнча маселелерди талкуулады. Бул тууралуу Тышкы иштер министрлигинин маалымат кызматы билдирди. (IJz)
16:20 Индия өкмөтү жер титирөөдөн жабыр тарткандарга 100 миң доллар өлчөмүндө гуманитардык жардам көрсөттү
