Бул тууралуу химиялаштыруу жана өсүмдүктөрдү коргоо депертаментинин директору Артбай Аргынбаев кечээ айыл чарба министрлигинин кеңешмесинде билдирди. Анын айтымында, Ноокен, Алабука, Аксы райондорунда жүздөгөн гектар эгин аянттарын чегиртке каптады деген маалыматтар жалган. Учурда 44 миң гектар эгин талаасы чегирткеге каршы химиялык заттар менен дарыланган, дейт Аргынбаев. Ал эми ЖК депутаты Жусупжан Жээнбеков чегирткеге каршы алдын ала жеткиликтүү иш аракеттер көрүлбөй жатканын “Азаттыктын” таңкы маегинде билдирди. (AJ)
