23-май күнү Москва обулусунун Одинцово шаардык соту 2006-жылдын ноябрь айында кыргызстандык Чыңгыз Кайыповту сабап кеткен Р. Тимешков, А. Петряков, В. Белин, И. Лячин, А. Каночкин, В. Воронин, С. Фрунзе жана А. Михайловго өкүм чыгарды. Алардын баары кылмыш-жаза Кодексинин 111 - “улуттук жек көрүүчүлүк менен уюшуп алып, адамга кол салуу” – беренеси боюнча айыпталышты. Үчөө шарттуу түрдө төрт жылга, В. Белин – алты жарым жылга, Р. Тимешков – беш жарым жылга жана А. Петряков – үч жыл колонияда жазоо өтөөгө кесилди. Бул тууралуу “Сова” аналитикалык борбору кабарлады. (JTo)
