Кытай, Индия, Малайзия, Таиланд жана Бангладеш глобалдык иликтөө боюнча качкындардын укуктарын бузуп басмырлаган өлкөлөр болуп таанылды. Бул тууралуу Качкындардын дүйнөлүк күнү белгиленер алдында Вашингтондо чыгарылган качкындар боюнча эл аралык баяндамада айтылат. Аталган өлкөлөр эми Ирак жана Россия менен катар качкындар үчүн эң кыйынчылыктуу делген жайлардан болуп таанылууда. Качкындар жана иммигранттар боюнча америкалык комитет жыл сайын жүргүзүп жаткан иликтөөлөр 2007-жылы дүйнөдө 14 миллион адам качкын абалында болгонун көрсөтүүдө.
