Мындай пикирин бүгүн Жогорку Кеңештеги Социал-демократтар фракциясынын мүчөсү Роза Отунбаева “Азаттыктын” түз ободогу суроолоруна жооп берип жатып билдирди. Депутаттын пикиринде, гезитке жарыяланган макаланы кылмыш иши катары эмес, кесиптик катачылык катары кароо керек болчу. Кечээ Отунбаева парламентте “Дефакто” гезитине козголгон кылмыш ишке байланыштуу бийликти кескин сынга алган. Кыргызстандагы медиа өкүл Илим Карыпбековдун айтымында атайылап жалган билдирүү жасоо фактысы боюнча маалымат каражатына КМШ өлкөлөрү боюнча Кыргызстанда биринчи кылмыш иши козголду. (BuS)
