Ал эми өнөр жайдагы өсүш былтыркыга салыштырмалуу алты пайызды түздү, деп кабарлайт өкмөттүн маалымат кызматы. Мындай өсүштөр айыл, токой чарба, жүк ташуу, кызмат көрсөтүү сыяктуу бир катар тармактарда да орун алган. Биринчи жарым жылдыкта электр жарыгын өндүрүү жана бөлүштүрүү, суу жана газ жаатында гана өксүк болгон. Жарым жылдыкта орточо маянанын көлөмү беш миң сомго чамалаган. Инфляция болсо 15,2 пайыз болгон. (EBM)
