Бул тууралуу өлкөдөгү жол кыймылынын коопсуздугу боюнча абал талкууланган ИИМдеги кечээки жыйында айтылды. Өлкөнүн МАИ башкармасынын жетекчиси Болот Борбиевдин айтымында, өткөн алты айда өлкөдө 1892 жол кырсыгы катталып, андан 460 адам өмүрүнөн ажырап, дагы эки миңден ашуун киши ар кандай жаракат алышкан. Жыйында ички иштер министри Молдомуса Конгантиев МАИ кызматынын ишине канаттанбаганын билдирип, айрым жетекчилерге жол коопсуздугун сактоону тез арада уюштуруу үчүн мөөнөт берди. Ошондой эле мас абалында автоунаа айдагандарга катуу чаралар көрүлөөрү белгиленди.(SM)
