Өлкө боюнча 40 райондук кеңешке, Бишкек шаардык кеңешке, 9 облустук маанидеги шаардык, 12 райондук маанидеги шаардык кеңештерге жана 425 айылдык, поселкалык кеңештерге депутаттарды шайлоо белгиленип жатат, бул тууралуу БШКнын шайлоо жараяндары боюнча бөлүмдүн сектор башчысы Аманкул Молдалиев «Азаттыкка» берген маегинде билдирди. Анын айтымында, Ош, Токмок, Каракол шаардык кеңештерине депутаттарды шайлоо өткөрүлбөйт. Анткени бул шаарлардагы депутаттардын 4 жылдык мөөнөтү бүтө элек, дейт Молдалиев. (AJ)
