Аталган чыгарманы атактуу жазуучу Чыңгыз Айтаматовдун “Ак кеме” повестинин негизинде Аким Текешов сахнага ылайыктап иштеп чыккан. Бул спектакль Талас облустук театрынын ачылышына жана Чыңгыз Айтамтовдун 80 жылдык мааракесине арналып коюлган. Талас шаарында театр даяр болбогондуктан “Арыба, Ак кеме” спектакли Токтоболот Абдымомунов атындагы кыргыз драм театрынын сахнасында коюлмакчы. Талас облустук театрдын көркөм жетекчиси Сатылган Сазаевдин айтымында, режиссер Эгемберди Бекболиев сахналаштырган жогорудагы спектакль жакында Ысык-Көл облусунун Каракол шаарында өтүүчү театралдык фестивалында көргөзүлөт. (AJ)
