Бороонго байкоо салуу боюнча АКШнын улуттук борбору Густав бороонунун күчү экинчи категорияда болуп жатканын белгилеп, бирок ал баары бир реалдуу коркунуч бойдон калып жатканын эскертүүдө. Кыйраткыч бороондон сактанган Луизиана жана Техас штаттарында дээрлик эки миллион адам үй-жайын таштап көчүп кетти. Президент Жорж Буш 2005-жылы көптөгөн зыян алып келген Катрина бороону болгон учурга караганда өкмөттүн сактануу чаралары кыйла жакшы деп билдирди.
