Кыргызстанга расмий сапар менен келген Орусиянын президенти Дмитрий Медведев менен Кыргызстандын президенти Курманбек Бакиев бүгүн кызматташттык келишимдери боюнча биргелешкен билдирүүгө кол коюшту. Ошондой эле энергетика маселеси боюнча өкмөттөр аралык кызматташуу жана тышкы иштер министрликтеринин ортосунда жана соода, бажы, газ тармактары боюнча кызматташууга кол коюлду. Дмитирий Медведев Кыргызстан Орусиянын стратегиялык өнөктөшү болуп кала бере турганын айтты. Ал эми Курманбек Бакиев Камбар-Ата ГЭСтерин курууга инвесторлорду тартуу келишимине жетишкендигин белгиледи.
