Швециянын Падышалык академиясы бул тууралуу бүгүн жарыялап жатып, Пол Кругман сыйлыкка "сооданын өнүгүү жолдорун анализдегени жана экономикалык активдүүлүктүн аймактарын аныктаганы" үчүн арзыганын белгиледи. Кошмо Штаттардагы кадыр –барктуу Принстон университетинин 55 жаштагы профессору жана "Нью-Йорк Таймс" гезитинин баяндамачысы Пол Кругман эркин соода менен урбанизация жараянынын глобалдык экономикага тийгизген таасирлери боюнча бир нече теорияны түзгөн.
